Зах зээлийн үнэлгээгээр нэгд эрэмбэтэй криптовалют болох биткойн (BTC) 2/14-ний өдөр 49,700 долларт хүрч шинэ дээд ханш тогтоож, зах зээлийн үнэлгээ нь 900 тэрбум долларыг давлаа. Биткойн өнгөрсөн долоо хоногт 47,000 долларын хооронд хэлбэлзэж энэ өдөр дээд ханш тогтоолоо.
Илон Маскийн Тесла компани саяхан 1.5 тэрбум долларын биткойн худалдаж авсан бөгөөд твиттер зэрэг дэлхийн томоохон компаниуд биткойнийг дэмжиж байгаатай холбогдуулан үнэ өсч байгаа бололтой.
Мөн өдрийн 20:16 цагийн байдлаар CoinMarketCap дахь биткойны (BTC) ханш ойролцоогоор 49,700 доллар болж, 24 цагийн өмнөхөөс 4.33%-иар өссөн байна. Зах зээлийн үнэлгээ $ 916.5 тэрбум орчим хүрсэн байна.
Дэлхийн макро хөрөнгө оруулагч, Real Vision Group-ийн гүйцэтгэх захирал Раул Пал ‘Биткойны зах зээлийн үнэлгээ өсөхийн хэрээр олон байгууллагууд биткойнд хөрөнгө оруулна. Үүнийг санах хэрэгтэй. Бусад байгууллагууд биткойныг сонирхох тусам засгийн газраас зохицуулж зогсооход хэцүү байдаг’ гэсэн байна.
Нэмж дурдахад биткойны шинжээч ‘Plan B’ твиттерт ‘Биткойны Харьцангуй Хүчний Индекс (RSI) нь өмнөх мөчлөгтэй адилхан явж байна.’ гээд энэхүү биткойны өсөлт үргэлжлэх хандлагатай гэсэн байна.
Мөн, криптовалютын алдарт наймаачин Жейкоб Канфилд саяхан ‘Биткойн 50,000 доллараас хэтэрвэл хүчтэй ралли эхэлж 30-60 хоногийн дотор 100,000 долларт хүрнэ’ гэж жиргэжээ.
Биткойн болон крипто арилжаа бол ХАМГИЙН ӨНДӨР ЭРСДЭЛТЭЙ хөрөнгө оруулалт бөгөөд зөвхөн өөрийн шийдвэрээр хийнэ үү.
BTC