Дэлхийн хөрөнгө оруулалтын банк (IB) Morgan Stanley АНУ-ын Уолл Стрийтэд анхны ‘Bitcoin (BTC) Fund’ -ийг эхлүүлэх төлөвтэй байна.
CNBC нэрээ нууцалсан эх сурвалжаас иш татан Morgan Stanley хөрөнгийн менежментийн үйлчлүүлэгчдэд зориулж гурван Bitcoin Fund ажиллуулах гэж байгааг мэдээлэв.
Morgan Stanley нь зөвхөн 2 сая доллараас дээш хөрөнгөтэй хувь хүмүүст хөрөнгө оруулалт хийх боломж олгоно. Гэхдээ хөрөнгө оруулалтын компанийн хувьд 5 сая доллар ба түүнээс дээш хөрөнгөтэй байх шалгуур тавьж байна.
Хувь хүн болон компанийн үйлчлүүлэгчид багадаа 6 сарын турш Morgan Stanley-д данстай байх ёстой. Хөрөнгө оруулалтын хязгаарыг нийт цэвэр хөрөнгийн 2.5%-иар тогтооно гэж мэдээлж байна.
Биткойн нь ихээхэн хэлбэлзэлтэй тул зөвхөн (aggressive risk tolerance) эрсдэлийн тэвчээртэй зан төлөв бүхий хөрөнгө оруулагчдыг авна гэжээ. Эдгээр сангийн хоёр нь Galaxy Digital сангийн бүтээгдэхүүн, нөгөө нь FS Investment болон NYDIG-ийн хамтарсан бүтээгдэхүүн юм.
Эх сурвалж “Morgan Stanley шинэ бүтээгдэхүүний дотоод сургалтаа дуусгаж, ирэх сарын эхээр бүтээгдэхүүнээ гаргахаар төлөвлөж байна” гэж нэмж хэлэв.
Morgan Stanley бол биткойны шууд хөрөнгө оруулалтыг зөвшөөрсөн АНУ-ын анхны томоохон хөрөнгө оруулалтын банк юм. Одоогийн байдлаар Goldman Sachs, JPMorgan Chase, Bank of America нь биткойны шууд хөрөнгө оруулалтын бүтээгдэхүүн гаргаагүй байна.
Энэхүү алхам нь биткойны бүх нийтийг хамрах хугацааг хурдасгах болно гэж үзэж байна.
Энэ сарын эхээр JP Morgan мөн өөрийн криптовалютын эзэмшлийн тодорхойлолтыг АНУ-ын Үнэт цаасны хороонд (SEC)-д хүргүүлсэн. Эдгээр нь MicroStrategy, Square зэрэг биткойнд хөрөнгө оруулсан компаниудын хувьцаатай холбоотой бонд юм.
