Фэнүүддээ ‘Fewo’ нэрээр танил болсон 18 настай Fewocious (Февокийз) хэмээх зураач залуу NFT инновациас үүдэлтэй шинэ дижитал урлагийн хамгийн залуу оддын нэг болжээ.
Bitcoin, Ethereum гэх мэт алдартай криптовалюттай ижил блокчейн технологид суурилсан NFT нь уран бүтээлчид, цуглуулагчид онцгой дижитал бүтээлийг эзэмших боломж олгодог. Энэ нь урлагийн ертөнцийн унтаа байдлыг сэрээсэн зах зээлийн үсрэнгүй дэвшил байлаа. Өнгөрсөн сард Christie’s нь алдарт крипто зураач Beeple-ийн дижитал бүтээлийг зарж борлуулснаар томоохон дуудлага худалдааны төв болжээ.
Энэ сард Fewocious (Февокийз) нь Nifty Gateway платформ дээр 4 сая гаруй долларын үнэ бүхий NFT бүтээлүүдийг зарав.
Бага нас нь тогтворгүй орчинд өнгөрсөн ч тэвчээртэй байсан залуу уран бүтээлчийн хувьд дээрх амжилтыг гаргажээ. Лас Вегаст өссөн Февокийз 12 наснаасаа урлагыг нь дэмждэггүй өвөө, эмээ дээрээ амьдрах болжээ.
Сургуульд гартаа барих утасгүй байсан ч Fewocious бүтээлээ хийхээ орхиогүй юм. Тэрээр цайны цагаараа нэг цаастай, зурж өнгөрүүлдэг байсан байна.
2020 оны 3-р сард тэрээр анхны уран бүтээлээ 90 доллараар Нью-Йоркийн уран зургийн цуглуулгад зарж, түүнийг улам бүр өсөн нэмэгдэж буй NFT тайзнаа оруулж өгсөнд тэрээр маш их баяртай байв.
Эдүгээ санхүүгийн эрх чөлөөтэй болж, удахгүй хэрэгжүүлэх олон төслүүдтэй шинэхэн од болсон Fewocious (Февокийз) өвөөгийнхөө гэрээс бие даах хүслээ амжилттай биелүүлэв. Түүний байр урлагийн студи болсон. Тэрээр ‘Хүссэнээрээ чанга хөгжим сонсож, хүссэн бүхнээ хийх нь үнэхээр гайхалтай юм’ гэжээ.
Монголоос NFT бүтээлээ хийж худалдах боломжтой MAIAR апп ЭНДЭЭС суулгаарай.
