Та бүхэнд IELTS – д бэлдэх зориулалтаар өөрийн хэрэглэж байсан IELTS – ийн 9,10,11,12 буюу хамгийн сүүлд гарсан номыг нь ч олоод аудио файлтай нь google drive дээрээ хуулаад холбоосыг нь хуваалцаж байна. Мөн бяцхан зөвлөгөө орууллаа.
Энэхүү шалгалтад орохын өмнө сайтар бэлтгэх нь хүн бүрт чухал шүү.
Миний Англи хэл дажгүй, давчих байх гэсэн бодлоор огт өгч болохгүй, хайран мөнгө, цаг заваа алдана. Хамгийн чухал нь шалгалтад бэлтгэх дасгалуудыг хийхдээ яг шалгалт өгч байгаа юмшиг цагт нь багтааж хийхэд анхаараарай.
Сонсох дасгалуудыг энэхүү Cambridge IELTS номнуудаас сайн бэлдээд сонсоод бай, Эхлээд сонсоход болчмоор санагдаад ирнэ. Гэхдээ дунд нь заавал нэг, хоёр асуултын хариуг олж чадалгүй өнгөрөөдөг. Тиймээс дахин дахин сонсоод алдсан асуултынхаа хариултуудыг олоод байвал аяндаа гайгүй болно.
Унших дасгалаа бас орхиж огт болохгүй. Хаана ямар санааг тодотгоод байгааг олж сурах хэрэгтэй. Хүмүүс асуултуудаа эхэлж уншаад түүнийхээ дагуу унших текстээ уншдаг. Энэ нь хялбар санагдсан.
Бичих дасгал бас маш чухал. Нэгэнт л ярих шалгалт өгөхөөс хойш энэ 2 ийг цуг бэлдсэн нь дээр. Бичихдээ хэрэглэж байгаа дүрэм ярихдаа ч мөн ашиглаж болно. .
Би энд essay хэрхэн бичих, мөн дасгал эссэ -нүүд бүхий номнуудаа доорх холбоосоор шэйрлэж байна. Бүгдийг нь татаж аваад нэг бүрчлэн нээж үзээрэй.
Ярилцлагын хувьд ихэнхдээ хэдэн сэдвүүдийн хүрээнд эргэлддэг. Эдгээрийн тухай ерөнхий мэдлэг, тэр дундаа сайн тал, муу талыг нь олоод мэдчих хэрэгтэй. Жишээ нь цахим орчин, ном, хобби, спорт, компьютер, интернэт, ухаалаг утас, кино гэх мэт. Хүмүүсийн амьдралд хэрхэн нөлөөлж байгаа, үүний сул тал, сайн тал гэх мэтээр… Ярианы сэдвээ өөрөө хөтлөөд явах боломжтой байдаг. Тиймээс тактиктай үзэх хэрэгтэй. Ямар хоббитой гээд эхэлвэл түүнээсээ ургаад ярих сэдэв чинь тодорхой болоод эхэлдэг. Жишээ нь би интернэт орчинд ажилладаг, ер нь интернэт өөрөө гээд л … эхэлдэг.
За ингээд номнуудаа доорх холбоосоор татаж аваарай.
За амжилт хүсэе.
khishqee 🙂
Эх сурвалж: IELTS БЭЛТГЭГЧИДИЙН ГРУП
