Хятадын China Construction Bank (CCB), Хонг Конгийн Фусанг финтектэй хамтран хамтран блокчэйн дээр гурван тэрбум долларын бонд- үнэт цаасаа гаргахаар боллоо гэж South China Morning Post сонинд мэдээлэв.
11-р сарын 13-аас эхлэн ирээдүйн бонд эзэмшигчид Малайзын Лабуане хотод лицензтэй крипто биржээр дамжуулан бондын гэрчилгээг bitcoin-оор сольж авч эхэлжээ.
China Construction Bank-ийн орон нутгийн салбарууд гурван сарын хугацаатай бонд гаргах бөгөөд тэдний үнэлгээ нь 100 доллараас эхлэх ба уг бондыг хадгаламжийн гэрчилгээ хэлбэрээр зарна.
Сертификатуудын баталгаажуулсан дүн нь ихэвчлэн хэдэн арван мянган юанаар хэмжигдэх хэдий ч токенжуулалт нь жижиглэнгийн хөрөнгө оруулагчдад энэ хэрэгслээс бага хэмжээгээр худалдаж авах боломжийг олгоно.
CCB-ийн төлөөлөгчдийн үзэж байгаагаар блокчейн дээр бонд гаргах шийдвэр нь ‘финтекийг илүү өргөн санхүүгийн зах зээлд ойртуулах’ зорилготой юм.
Хэрэв энэ удаагийн бонд амжилттай болбол Фусанг төрийн өмчит банкуудтай, бусад валютаар, түүний дотор юаниар үнэт цаас гаргах чиглэлээр хамтын ажиллагаа эхлүүлнэ гэж найдаж байна.
SPGlobal-ийн мэдээлснээр, China Construction Bank нь дэлхийн хоёр дахь том банк юм. 2020 оны 4-р сарын байдлаар тэрээр 3.6 их наяд долларын хөрөнгөтэй болжээ.
Сануулахад, 9-р сард Сингапурын Хөрөнгийн бирж блокчейн дээр 400 сая долларын бондыг таван жил хагасын хугацаатай гаргасан билээ.
Эх сурвалж: fb.com (Крипто доогтэр) линкээр шинэ пост уншаарай.
